A Doni të udhëtoni drejt Gjermanisë? Ambasada tregon detajet për shtetasit shqiptarë

A Doni të udhëtoni drejt Gjermanisë? Ambasada tregon..

Në njoftimin e tyre Shqipëria vazhdon të konsiderohet një zonë rreziku dhe udhëtarët duhet të karantinohen për 14 ditë dhe të kryejnë testin e tamponit.

Meqenëse Shqipëria vazhdon të konsiderohet një zonë rreziku nga Instituti Robert Koch, të gjithë ata që hyjnë në Gjermani janë të detyruar që menjëherë pas mbërritjes të nisen direkt drejt vendbanimit të tyre ose një strehimi tjetër të përshtatshëm (p.sh. hotel) dhe të qëndrojnë atje për një periudhë prej 14 ditësh.

Udhëtarët që hyjnë në Gjermani janë gjithashtu të detyruar të informojnë autoritetin shëndetësor përgjegjës për ta mbi adresën e tyre të qëndrimit në Gjermani. Ata janë gjithashtu të detyruar që me kërkesë të autoriteteve të paraqesin rezultatet e testimit për koronavirusin e ri.

Ju mund të testoheni falas brenda 72 orëve nga mbërritja juaj, edhe nëse nuk keni marrë ende një kërkesë të tillë.
Kjo është e mundur në shumë aeroporte në Gjermani”, – thuhet në njoftimin e ambasadës gjermane në Tiranë.